બજાજ હાઉસિંગ ફાઇનાન્સ લિમિટેડ વિશે

સ્કેલ આધારિત નિયમોને અનુસરતા આરબીઆઇ દ્વારા 'ઉચ્ચ-સ્તરના એનબીએફસી' તરીકે વર્ગીકૃત, બજાજ હાઉસિંગ ફાઇનાન્સ લિમિટેડ (BHFL) એ બજાજ ફાઇનાન્સ લિમિટેડની પેટાકંપની છે - જે દેશભરમાં 128.85 મિલિયન ગ્રાહકોને સેવા આપતા ભારતીય બજારમાં સૌથી વૈવિધ્યસભર એનબીએફસીમાંથી એક છે. પુણેમાં મુખ્યાલય ધરાવતા, BHFL વ્યક્તિઓ તેમજ કોર્પોરેટ એકમોને ઘરોની ખરીદી અને નવીનીકરણ અથવા વ્યવસાયિક જગ્યાઓ માટે ફાઇનાન્સ પ્રદાન કરે છે. તે બિઝનેસ અથવા વ્યક્તિગત જરૂરિયાતો તેમજ બિઝનેસ વિસ્તરણ હેતુઓ માટે વર્કિગ કેપિટલ માટે પ્રોપર્ટી સામે લોન પણ પ્રદાન કરે છે. BHFL રેસિડેન્શિયલ અને કોમર્શિયલ પ્રોપર્ટીના નિર્માણમાં જોડાયેલા ડેવલપર્સને તેમજ ડેવલપર્સ અને હાઇ-નેટ-વર્થ વ્યક્તિઓને લીઝ રેન્ટલ ડિસ્કાઉન્ટિંગમાં પણ ફાઇનાન્સ પ્રદાન કરે છે. કંપનીને તેના લાંબા ગાળાના ડેબ્ટ પ્રોગ્રામ માટે એએએ/સ્ટેબલ અને ક્રિસિલ અને ઇન્ડિયા રેટિંગ્સ તરફથી તેના ટૂંકા ગાળાના ડેબ્ટ પ્રોગ્રામ માટે એ1+ રેટિંગ આપવામાં આવ્યું છે.